ABOUT
أنا فيصل أشكناني
متداول Futures · Scalper 🇰🇼
شنو أسوي
أتداول ES وNQ وGC، وأسلوبي scalper. أركز على أول 30 لين 60 دقيقة من الـ Cash Session، وأتابع الجلسة كاملة. وأقرا السوق بالـ Order Flow على DeepCharts: الـ Footprint، والـ Delta، والـ Volume Profile.
القصة
بالأسواق من 2006.
بديت ببورصة الكويت، وبعدها الأسهم الأمريكية، وبعدها الكريبتو والفوركس، والحين Futures.
كل مرحلة كان فيها شي ما فهمته، وكل مرة رجعت أتعلم من جديد. الدرس اللي طلعت فيه: عدم الاستسلام، والتعلم المستمر.
ليش أشرح
وايد ناس يسمعون عن الـ Absorption ويحطون الـ Volume Profile على الشارت، بس ما يعرفون يقرونهم.
لأن الـ Order Flow مو قواعد تنحفظ. يبيله فهم وممارسة.
فأشرح بالعربي، وبالمصطلحات مثل ما تشوفها على المنصة، وعلى شارتات حقيقية.
شنو ما تلقاه هني
- ما فيه توصيات ولا دخولات ولا «ادخل هني».
- ما فيه أرقام أرباح ولا لقطات حساب.
- وما فيه وعد بنتيجة. أشرح القراءة، والقرار قرارك.
Order Flow من المصدر
التحليل من بيانات CME وCOMEX، ويتطبّق على أي سوق. واللي يتداول عند وسيط، لازم يحدد الفرق (basis) بين سعر وسيطه وسعر البورصة قبل ما يستخدم أي مستوى أو يحلل أو يدخل أي صفقة.