مسودة من public-relations (17 نوفمبر 2026) للمراجعة. تحليل داخلي، مو رأي قانوني، وتنطر المحامي قبل النشر. الخانات الذهبية ناقصة.

سياسة الخصوصية

آخر تحديث: [تاريخ الإطلاق]

1. منو إحنا

موقع feashkanani.com يديره فيصل أشكناني. للتواصل عن أي شي يخص بياناتك: hello@feashkanani.com.

2. شنو نجمع

  • القائمة البريدية ونموذج «سجّل اهتمامك»: لو سجلت، ناخذ إيميلك واسمك الأول، وتاريخ التسجيل. وبنموذج الورشة ناخذ بعد: وين ساكن، وعلاقتك بالـ Order Flow، وأي شي تختاره أو تكتبه بالخانات الاختيارية (شنو تتداول، والوقت اللي يناسبك، وسؤالك، ومن وين عرفتني).
  • ردودك: أي رد ترسله على إيميلاتنا يوصل لنا وينحفظ.
  • أرقام الزيارات: نستخدم Cloudflare Web Analytics. ما يحط كوكيز، وما يتابعك بين المواقع. يعطينا أرقام عامة، مثل عدد الزيارات، وأي صفحة انفتحت، ومن أي دولة، ونوع الجهاز، بدون ما نعرف منو إنت.
  • بيانات تقنية: الموقع على Cloudflare، وCloudflare يتعامل مع بيانات تقنية مثل عنوان الـ IP عشان يوصل الصفحة ويحمي الموقع من الهجمات.

3. شنو ما نجمع

ما نجمع أرقام بطاقات ولا أي بيانات دفع، لأن الدفع مو على هالموقع. وما نطلب رقم هاتف، وما نجمع موقعك بالضبط.

4. ليش نستخدمها

  • نرسل لك الإيميلات اللي سجلت لها: محتوى تعليمي، وأخبار الورش والمجتمع.
  • نجهز الورش على أجوبتكم، ونعرف منو مهتم وبأي وقت.
  • نعرف أي صفحات تفيد الناس، ونطور الموقع.

وما نبيع بياناتك، وما نعطيها لأحد عشان الإعلانات.

5. منو يعالج بياناتك معانا

  • Resend: الإيميلات تنحفظ وتنرسل عن طريقه. Resend يقدر يسجل إذا انفتح الإيميل أو انضغط رابط فيه.
  • Cloudflare: الاستضافة وأرقام الزيارات.

الشركتين برا الكويت، فبياناتك ممكن تنحفظ أو تنعالج برا الكويت.

6. الدفع والتسجيل

لما تشترك بالمجتمع أو تدفع لورشة، تنتقل لمنصة Skool. هناك تمشي سياسة الخصوصية حقت Skool على بياناتك.

7. الكوكيز

الموقع ما يحط كوكيز للتتبع ولا للإعلانات. ولو احتجنا كوكيز بيوم، بنحدّث هالصفحة ونطلب موافقتك قبل.

8. روابط برا الموقع

الروابط لـ Skool وInstagram وTikTok تفتح مواقع ثانية لها سياساتها الخاصة.

9. كم نحتفظ بالبيانات

نحتفظ بإيميلك لين تلغي الاشتراك. بعدها نشيله من القائمة، ونخلي بس سجل إنه ألغى، عشان ما يوصلك إيميل مرة ثانية.

10. حقوقك

  • تلغي الاشتراك بضغطة من رابط موجود بكل إيميل.
  • تقدر تطلب نسخة من بياناتك، أو تصحيحها، أو حذفها، برسالة على hello@feashkanani.com، ونرد خلال [30] يوم.

11. السن

الموقع وقائمة الإيميل لـ [21] سنة وفوق.

12. التعديل

لو تغيّرت هالسياسة، ينكتب تاريخ التحديث فوق. ولو التغيير كبير، نبلغ المسجلين بالإيميل.