FREE

المحتوى المجاني

ابدأ من هني. كل شي بهالصفحة ببلاش، وكل مصطلح بالإنجليزي مثل ما تشوفه على المنصة.

المصطلحات باختصار

«شنو اهو» بس. «شلون تقراه» بالورشة.

Order Flow
قراءة الأوامر اللي تنفذت: منو اشترى ومنو باع بالـ market، وبأي كمية، وعند أي سعر.
Volume Profile
كم عقد تداول عند كل سعر بالجلسة، مرسوم أعمدة على جنب الشارت عند السعر نفسه، بدال الوقت.
POC
السعر اللي تداول عنده أكبر عدد عقود بالجلسة.
Value Area (VAH · VAL)
المنطقة اللي تداول فيها 70% من عقود الجلسة. الـ VAH حدها فوق، والـ VAL حدها تحت.
VWAP
متوسط السعر بالجلسة، موزون بعدد العقود عند كل سعر.
Footprint
الشمعة من داخل: كم عقد تنفذ على الـ Bid (يسار) وكم على الـ Ask (يمين) عند كل سعر.
Delta
الفرق بين اللي اشترى بالـ market واللي باع بالـ market.
Imbalance
لما طرف واحد ينفذ عقود أكثر بوايد من الطرف الثاني عند سعرين جنب بعض بالـ Footprint. والنسبة تنضبط بالمنصة.
Absorption
كمية عقود ضخمة دخلت بجهة وحدة، بس ما قدرت تحرك السعر حركة تستاهل الكمية.
Cash Session
الجلسة الرسمية للسوق الأمريكي، من 9:30 الصبح لين 4 العصر بتوقيت نيويورك.

كل الأمثلة من بيانات CME وCOMEX. لو تتداول عند وسيط، سعره يختلف، فحدد الفرق (basis) قبل ما تستخدم أي مستوى أو تحلل أو تدخل أي صفقة.